Informacion per vitin fiskal për vitin e mbyllur 31 dhjetor 2023. Haxhi Audit and Consulting
Përmbajtja
Haxhi Audit në Republikën e Shqipërisë 5
Politikat e kontrollit të cilësisë 6
Burimet për ofrimin e auditimit cilësor 7
Cilësia e Ofrimit të Shërbimeve në Taksa 9
Cilësia e Shërbimeve të Konsulencës 10
Hyrje!
Kam kënaqësinë t’ju paraqes raportin e transparencës të Haxhi Audit and Consulting, për vitin 2023.
Në Haxhi Audit and Consulting jemi të përkushtuar t’i ndihmojmë organizatat që veprojnë në tregun vendas të rriten dhe të arrijnë qëndrueshmëri e sukses. Ne punojmë nga afër me stafet drejtuese të klientëve tanë për të kuptuar sfidat me të cilat përballen dhe për të ofruar zgjidhje të përshtatura, të bazuara në analizë dhe profesionalizëm.
Suksesi ynë mbështetet në përvojën tonë të gjerë e cila formon bazën e aftësisë për të ndihmuar çdo klient në mënyrën më të mirë të mundshme.
Ne jemi lider në këshillimin e biznesit, të
dedikuar për t’i shërbyer kërkesave të klientëve në sektorin privat, shoqërive të listuara dhe shoqërive në sektorin publik, duke çliruar potencialet e tyre për rritje, përmes ofrimit të një game të gjerë shërbimesh të auditimit, taksave dhe këshillimit. Nëpërmjet mbështetjes së vazhdueshme të partnerëve tanë dhe krijimit të rrjeteve të shkurtra të vendimmarrjes, trajtojmë situata komplekse dhe shumë konfidenciale, duke dhënë mendimin tonë jo-konvencional dhe qasjen tonë në zgjidhjen e problemeve në mënyrë profesionale.
Jemi një prej shoqërive kryesore në vend në fushën e këshillimit të biznesit dhe jemi të përkushtuar të ofrojmë shërbime në auditim, tatime dhe konsulencë, për kompani të sektorit privat, shoqëri të listuara dhe organizata publike. Përmes zgjerimit të stafit, bashkëpunimit të ngushtë me partnerët tanë dhe strukturave të thjeshta të vendimmarrjes, trajtojmë me profesionalizëm situata të ndërlikuara dhe konfidenciale, duke ofruar zgjidhje praktike dhe efektive.
Haxhi Audit është një nga shoqëritë lider në ofrimin e shërbimeve të konsulencës për cështjet që lidhen më taksat dhe auditimin.
Almarina Haxhi,
AL/KM
Haxhi Audit and Consulting sh.p.k
Struktura ligjore
Haxhi Audit and Consulting sh.p.k është shoqëri me përgjegjësi të kufizuar e themeluar në Shqipëri në përputhje me dispozitat e Ligjit nr. 9901 “Për tregtarët dhe shoqëritë tregtare” datë 14.04.2008.
Kapitali i shoqërisë zotërohet në masën 100% nga znj. Almarina Haxhi, themeluese dhe pronare e vetme, e cila luan një rol kyç në drejtimin strategjik dhe zhvillimin e vazhdueshëm të aktivitetit të kompanisë.
Shoqëria administrohet nga znj. Almarina Haxhi, e cila është jo vetëm ortake e vetme, por edhe audituese ligjore e regjistruar në Shqipëri, me një karrierë të ndërtuar mbi përkushtim, profesionalizëm dhe përvojë të gjerë në fushën e financës, auditimit dhe këshillimit tatimor.
Nën drejtimin e saj, Haxhi Audit and Consulting ka ndërtuar një reputacion të fortë në tregun vendas si një partner i besueshëm për bizneset që kërkojnë mbështetje të sigurt dhe zgjidhje të mirëfillta në auditim, kontabilitet dhe çështje fiskale. Me një qasje të personalizuar për çdo klient, shoqëria synon të japë vlerë të shtuar në çdo bashkëpunim, duke ndihmuar organizatat të përmbushin objektivat e tyre në një mënyrë të qëndrueshme dhe efikase.
Burimet për ofrimin e auditimit cilësor
Haxhi Audit siguron burime që ndihmojnë shoqëritë anëtare në dhënien e një auditimi cilësor dhe rigoroz. Ato përfshijnë:
- Metodologji moderne të auditimit, të cilat mbështeten nga teknologjia përmes softuerëve të specializuar, manualeve të detajuara të punës dhe politikave të përditësuara. Këto janë të harmonizuara dhe krahasohen vazhdimisht me Standardet Ndërkombëtare të Auditimit (ISA), Standardet Ndërkombëtare të Kontrollit të Cilësisë (ISQC), si dhe me Kodin e Etikës për Kontabilistët Profesionistë të publikuar nga IFAC (Federata Ndërkombëtare e Kontabilistëve).
- Protokolle të qarta dhe të strukturuara për bashkëpunim ndërmjet shoqërive anëtare, të cilat mundësojnë konsultime me ekspertë të fushës së auditimit nga firma të tjera brenda rrjetit. Këto rrugë komunikimi ndihmojnë në adresimin e çështjeve të ndërlikuara dhe ndarjen e përvojave, duke e bërë procesin e auditimit më të fuqishëm dhe të mbështetur në ekspertizë kolektive.
- Shërbimi i brendshëm intranet, i cili funksionon si një platformë gjithëpërfshirëse për informacion dhe asistencë. Kjo platformë përmban përditësime të rregullta mbi zhvillimet më të fundit në standardet profesionale, qasje të strukturuar ndaj Standardeve Ndërkombëtare të Raportimit Financiar (IFRS), udhëzues për trajtimin e çështjeve komplekse kontabël dhe financiare, si dhe formate të standardizuara të pasqyrave financiare. Gjithashtu, përfshihen shembuj praktikë dhe raste konkrete, të cilat ndihmojnë stafet profesionale të firmave anëtare të aplikojnë zgjidhje të drejtpërdrejta në punën e tyre të përditshme.
Kjo strukturë e mirëorganizuar e burimeve dhe bashkëpunimit ndihmon në ruajtjen e një cilësie të lartë dhe të njëtrajtshme në të gjitha shërbimet e ofruara nga firmat anëtare, duke siguruar besueshmëri, transparencë dhe përputhje me standardet më të avancuara profesionale në
Cilësia e Shërbimeve të Konsulencës
Në një mjedis gjithnjë e më kompleks dhe sfidues, shërbimet tona të konsulencës janë të dizajnuara për të ndihmuar klientët tanë të krijojnë, zhvillojnë dhe mbrojnë vlerat e tyre thelbësore. Përmes qasjes sonë proaktive dhe të përshtatur, ne i mbështesim ata në çdo hap të rrugëtimit të tyre strategjik, që nga ndërtimi i planeve për rritje afatgjatë, tek transformimi i modeleve të biznesit, përmirësimi i efikasitetit operacional dhe menaxhimi i suksesshëm i riskut.
Shërbimet tona përfshijnë asistencë në financimin e rritjes, optimizimin e burimeve dhe proceseve të brendshme, si dhe orientimin e klientëve drejt përshtatjes me mjedisin rregullator në ndryshim e sipër. Ne ofrojmë këshillim të specializuar në menaxhimin e sfidave të brendshme dhe të jashtme të organizatave, duke ndihmuar në ndërtimin e strukturave më elastike, të qëndrueshme dhe të qëlluara drejt suksesit afatgjatë.
Në dallim nga shërbimet e auditimit – të cilat janë të strukturuara sipas standardeve të përcaktuara rregullatorisht dhe të detyrueshme – shërbimet e konsulencës janë më fleksibël dhe më pak të kufizuara nga kuadri ligjor. Kjo i lejon Haxhi Audit të jetë më inovativ dhe më i orientuar drejt nevojave specifike të çdo klienti, duke sjellë zgjidhje të personalizuara dhe të fokusuara në objektivat reale të biznesit.
Për të garantuar një standard të lartë cilësie në ofrimin e këtyre shërbimeve, ne kemi ndërtuar një sistem të mirëorganizuar të kontrollit dhe menaxhimit të cilësisë. Ky sistem është hartuar për të qenë mjaftueshëm fleksibël, në mënyrë që të përshtatet me kërkesat e tregjeve lokale, por gjithashtu për të ruajtur koherencën dhe përputhshmërinë me praktikat më të mira ndërkombëtare. Në këtë mënyrë sigurohet që, pavarësisht nga vendndodhja apo industria, klientët tanë të përfitojnë nga një qasje e qëndrueshme dhe e njëtrajtshme ndaj cilësisë.
Cilësia nuk është një element që përmbushet njëherë e mirë; ajo është një proces i vazhdueshëm përmirësimi dhe angazhimi. Nuk ekziston një mekanizëm i vetëm që mund të garantojë zbatimin e plotë të standardeve, por përmes një kombinimi të elementeve të ndryshëm të kontrollit dhe mbikëqyrjes, ne sigurojmë që shërbimet tona të ruajnë cilësinë e lartë që na karakterizon.
Qasja jonë gjithëpërfshirëse ndaj cilësisë përfshin:
Menaxhimin e riskut: Identifikimi dhe parandalimi i faktorëve që mund të ndikojnë negativisht në cilësinë ose integritetin e shërbimeve të ofruara.
Zbatimin e metodologjive standarde: Krijimi dhe ndjekja e procedurave të mirëpërcaktuara për secilën linjë shërbimi, për të garantuar një proces të strukturuar dhe profesional.
Mbështetje nga grupe të specializuara: Linjat e shërbimit dhe grupet mbështetëse të industrisë ofrojnë ekspertizë të thelluar dhe udhëzime të vazhdueshme për ekipet tona.
Program trajnimi: Përforcimi i njohurive, aftësive dhe qëndrimeve profesionale përmes edukimit të vazhdueshëm dhe përditësimit me zhvillimet e fundit në fushë.
Rritja e ndërlidhjes mes shoqërive: Nxitja e bashkëpunimit dhe shkëmbimit të përvojës ndërmjet shoqërive, për të përmirësuar shërbimet dhe për të ndarë praktikat më të mira.
Në fund të ditës, qëllimi ynë është që përmes konsulencës sonë cilësore të jemi një partner i besueshëm dhe me ndikim për klientët tanë, duke i ndihmuar ata të marrin vendime të informuara dhe të arrijnë qëllimet e tyre me
Haxhi Audit në Republikën e Shqipërisë
Haxhi Audit është një prej shoqërive të shërbimit profesional e dedikuar në dhënien e shërbimeve për një numër të shumëllojshëm klientësh të cilët përfshinë korporatat, institucionet financiare dhe individët. Ne jemi të fokusuar në çlirimin e potencialit për rritje të klientëve, nëpërmjet ofrimit të një game të gjerë shërbimesh të auditimit, taksave dhe konsulencës.
Ne përfshijmë ekspertizë teknike vlerë-shtuese, e cila përmes intuitës, eksperiencës dhe besimit të fituar nga një përvojë e gjerë në sektorë të ndryshëm dhe njohjes së thellë të klientëve tanë, kontribuon në ofrimin e shërbimeve të përshtatshme dhe zgjidhjeve gjithëpërfshirëse, nëpërmjet kombinimit të fuqive nga të gjitha linjat tona të shërbimit ,duke operuar si një shoqëri e integruar. Përmes skuadrës sonë të shërbimit të klientit, partnerëve dhe zinxhirit të shkurtuar të vendimmarrjes, ne sigurojmë një pikpamje më të gjerë dhe veprojmë në një mënyrë e cila është po aq e shpejtë dhe efikase sikurse janë dhe klientët tanë.
Avantazhi ynë konkurrues qëndron në aftësinë tonë për të shërbyer organizatave dinamike, duke ofruar zgjidhje të personalizuara dhe të përshtatura sipas nevojave specifike të secilit klient. Ne kuptojmë se çdo biznes është unik, prandaj qasja jonë është fleksibël, analitike dhe e orientuar drejt rezultateve konkrete. Me prezencën tonë lokale dhe njohjen e kontekstit ekonomik dhe ligjor në Republikën e Shqipërisë, ne jemi në gjendje të ofrojmë përgjigje të menjëhershme dhe efikase ndaj kërkesave në ndryshim të klientëve tanë, si dhe ndaj zhvillimeve dhe tendencave të tregut. Suksesi ynë ndërtohet mbi themelin e një bashkëpunimi të qëndrueshëm dhe të ngushtë me klientët dhe anëtarët tanë, duke nxitur një atmosferë besimi të ndërsjellë dhe shkëmbimi profesional.
| Shërbime të tjera të Haxhi Audit : | |
| Shërbime për konsulence për riskun e biznesit;Audit LigjorAuditi BrendshëmBashkime dhe blerje biznesi; | Shërbime konsulence mbi transaksionetVlerësime;Shërbime taksash;Shërbime ligjore; |
Cilësia e Auditimit
Fokusi ynë i palëkundur në cilësinë profesionale
Siç dëshmohet në këtë raport, cilësia përbën thelbin e veprimtarisë sonë – cilësia në ofrimin e shërbimeve, në proceset tona të brendshme dhe në profesionalizmin e stafit tonë. Suksesi ynë në ruajtjen e standardeve të larta varet nga strukturat që kemi ndërtuar për të mbështetur objektivat tona strategjike, ndërkohë që shoqëria jonë vazhdon të rritet dhe të konsolidohet në tregun vendas.
Për të siguruar që cilësia të mbetet gjithmonë në nivelin e kërkuar, Haxhi Audit ka ngritur një sistem burimesh dhe mjetesh të përkushtuara për mirëmbajtjen e cilësisë së auditimit, që përfshin:
- Metodologji të qartë dhe të strukturuar të auditimit, e përshtatur për të qenë në përputhje me zhvillimet më të fundit të praktikës profesionale;
- Politika dhe procedura të detajuara, të përfshira në manualet tona të auditimit, të cilat janë të përputhshme me Standardet Ndërkombëtare të Auditimit, standardet e kontrollit të cilësisë, pavarësisë dhe etikës profesionale;
- Protokolle bashkëpunimi dhe konsultimi, që u mundësojnë ekipeve tona të kenë akses në ekspertizën e specialistëve të auditimit dhe standardeve profesionale brenda rrjetit tonë kombëtar;
- Qasje në qendrën e asistencës për Standardet Ndërkombëtare të Raportimit Financiar (SNRF), për të siguruar interpretim dhe zbatim korrekt të këtyre standardeve në praktikat tona të raportimit financiar;
- Një platformë intranet gjithëpërfshirëse, e cila ofron informacion të përditësuar në mënyrë të vazhdueshme mbi standardet e auditimit, raportimit financiar, etikës profesionale dhe pavarësisë, si dhe udhëzime praktike për zbatimin e tyre në mënyrë efektive.
Rishikimi i Cilësisë së Auditimit në Haxhi Audit
Në Haxhi Audit, cilësia është një shtyllë themelore e shërbimeve tona të auditimit. Për të garantuar që praktikat tona përputhen me standardet më të larta profesionale dhe etike, ne zbatojmë një proces të rregullt e gjithëpërfshirës të rishikimit të cilësisë, nën mbikëqyrjen e Drejtuesit të Kontrollit të Cilësisë së Auditimit.
Ky rishikim përfshin:
- analizën e politikave dhe procedurave të brendshme që lidhen me ofrimin e shërbimeve të sigurisë;
- krahasimin e tyre me standardet dhe politikat përkatëse të rrjetit tonë;
- shqyrtimin e dokumenteve mbështetëse si pasqyrat financiare, raportet e auditimit, letrat e punës dhe dosjet e angazhimeve përkatëse.
Gjatë këtij procesi, realizohen edhe intervista me partnerë dhe pjesëtarë të stafit për të adresuar çështje të ndryshme që kanë ndikim në cilësinë e shërbimeve. Gjithashtu, kryhet një rishikim i përzgjedhur i angazhimeve të auditimit për të vlerësuar nëse ato janë kryer në përputhje me kërkesat e standardeve.
Pas përfundimit të rishikimit, përgatitet një raport zyrtar, i cili vlerëson efektivitetin e sistemit të kontrollit të cilësisë të shoqërisë.
Klasifikimi i raportit bëhet në bazë të rezultateve dhe mund të jetë:
Pa rezervë – kur sistemet janë të dizajnuara dhe funksionojnë në mënyrë efektive;
Me rezervë – kur identifikohen mangësi të rëndësishme, por jo thelbësore;
Kundër – në rastet kur ka dobësi të konsiderueshme në hartimin ose funksionimin e sistemit të kontrollit të cilësisë.
Këto praktika zbatohen në mënyrë të ngjashme edhe për shërbime të tjera të rrjetit, duke forcuar angazhimin tonë për cilësi, besueshmëri dhe përmirësim të vazhdueshëm profesiona
Punonjesit dhe kultura
Si një shoqëri shërbimesh profesionale që ofron një gamë të plotë të shërbimeve të auditimit, taksave dhe konsulencës për klientët tanë, është e domosdoshme që cilësia të jetë në themelin e gjithçkaje që bëjmë.
Ekipi ynë angazhohet në një strukturë që promovon:
- përdorimin e praktikave më të mira ndihmëse për të tërhequr kandidatët më të mirë dhe bën përvojën e punësimit një faktor promovues të Haxhi Audit si një nga vendet më të mira për të punuar;
- rëndësinë e kulturës dhe vlerave të shoqërisë që mbështesin punonjësit, nga fillimi i punësimit, përgjatë gjithë karrierës;
- zhvillimin dhe mbajtjen e punonjësve tanë nëpërmjet programeve që i nxisin dhe sfidojnë ata të jenë udhëheqës më të mirë në fushën e tyre të zgjedhur të ekspertizës;
- një kulturë të trajnimit të vazhdueshëm dhe zhvillimit profesional përmes procesit të menaxhimit të performancës që gjithashtu njeh dhe shpërblen këtë kontribut; dhe
- fokusin në arritjen e ekspertizës teknike dhe përsosmërisë.
Punësimi i personelit të duhur për biznesin tonë është kritik dhe për të mbështetur këtë, ne kemi një ekip të përkushtuar, qëllimi kryesor i të cilit është gjetja e personit më të vlefshëm për rolet brenda shoqërisë. Ky proces mbështetet nga politika jonë e përzgjedhjes që zbatohet në të gjithë biznesin.
Trajnimi dhe zhvillimi profesional i punonjësve tanë është i rëndësishëm për suksesin e biznesit tonë dhe aftësinë tonë për të siguruar që cilësia është e lartë në të gjitha fushtat tona të shërbimit. Filozofia jonë e zhvillimit bazohet jo vetëm në trajnime formale, me mësim në vendin e punës por edhe në nivele të rëndësishme të edukimit të vazhdueshëm profesional.
Struktura jonë siguron një rrugë të qartë për përparimin individual në karrierë dhe programet tona të mësimit dhe zhvillimit sigurojnë që të gjithë punonjësit tanë të kenë qasje në trajnim, i cili ndihmon përparimin dhe avancimin e karrierës së tyre.
Për të mbështetur më tej kulturën tonë të zhvillimit të vazhdueshëm ne kryjmë rishikime të performancës në baza vjetore.
Politikat e kontrollit të cilësisë
Qëllimi ynë kryesor është të krijojmë dhe zbatojmë sisteme të forta dhe rigoroze të menaxhimit të cilësisë, të cilat garantojnë përputhshmërinë me standardet profesionale, si dhe me kërkesat ligjore dhe rregullatore në fuqi. Këto sisteme janë ndërtuar për të ofruar një siguri të arsyeshme që shërbimet tona janë gjithmonë të një cilësie të lartë, transparente dhe në përputhje me pritshmëritë e klientëve tanë.
Cilësia dhe pavarësia profesionale janë shtyllat kyçe mbi të cilat ndërtohet çdo angazhim ynë. Për këtë arsye, kemi zhvilluar dhe zbatuar një sërë politikash, procedurash dhe strukturash kontrolli, që na mundësojnë të mbajmë standardet më të larta të praktikës profesionale.
Sistemi ynë i menaxhimit të cilësisë përfshin:
- Manuale teknike dhe proceduriale të përditësuara, që sigurojnë ofrimin e shërbimeve të njëtrajtshme dhe me standard të lartë;
- Trajnim dhe zhvillim të vazhdueshëm profesional për të gjithë partnerët dhe punonjësit, në mënyrë që ata të jenë të përgatitur me njohuritë më të fundit dhe të jenë në përputhje me kërkesat e Kodit të Etikës të IFAC;
- Procedura proaktive të kontrollit të cilësisë, përmes të cilave çdo angazhim rishikohet në mënyrë rigoroze për përputhshmëri me standardet (Rishikimi i Kontrollit të Cilësisë së Angazhimit);
- Rishikime të brendshme periodike të sistemeve të cilësisë, për të garantuar që proceset janë efektive dhe funksionale në çdo moment (Rishikimi i Kontrollit të Brendshëm të Cilësisë – “SNKC1”).
Ne zbatojmë një kuadër të mirëpërcaktuar të menaxhimit të riskut, ku drejtuesit tanë mbajnë përgjegjësi për cilësinë e shërbimeve të ofruara dhe monitorojnë zbatimin e procedurave përkatëse çdo vit.
Përmes identifikimit dhe vlerësimit të dobësive të mundshme, ndërmerren masa parandaluese dhe korrigjuese për të ruajtur efektivitetin e të gjitha proceseve të kontrollit dhe cilësisë.
Elementët kyç të qasjes sonë përfshijnë:
- Një qasje të qëndrueshme dhe të bazuar në risk gjatë kryerjes së auditimeve, me përfshirje të burimeve të rëndësishme për garantimin e cilësisë;
- Etikë dhe integritet profesional, duke pranuar të bashkëpunojmë vetëm me klientë që respektojnë të njëjtat vlera;
- Përputhshmëri me Kodin e Etikës të IFAC, që përfshin pavarësinë, objektivitetin, kompetencën profesionale dhe kujdesin e duhur;
- Kryerjen e auditimeve në përputhje me standardet profesionale dhe ligjore, për të siguruar raporte cilësore dhe të besueshme;
- Sisteme efektive të monitorimit të angazhimeve, përmes politikave dhe procedurave të burimeve njerëzore;
- Dokumentacion të plotë dhe të mirëstrukturuar, që mbështet çdo aspekt të sistemit të kontrollit të cilësisë;
- Monitorim të vazhdueshëm të politikave dhe procedurave, për t’i mbajtur ato gjithmonë të azhurnuara, efektive dhe të përputhshme me praktikat më të mira;
Pavarësi dhe objektivitet në çdo angazhim, duke kuptuar se reputacioni ynë është ndërtuar mbi cilësinë e punës që ofrojmë dhe vendimet që marri
Cilësia e Ofrimit të Shërbimeve në Taksa
Fusha e tatim-taksave përfaqëson një element thelbësor të shërbimeve tona dhe një nga shtyllat kryesore të zhvillimit profesional të Haxhi Audit. Në një mjedis ekonomik dhe rregullator që po evoluon me shpejtësi, tatimet dhe çështjet fiskale po bëhen gjithnjë e më të ndërlikuara, me ndikime të drejtpërdrejta në vendimmarrjen strategjike të bizneseve. Kompleksiteti i ligjeve tatimore dhe ndryshimet e shpeshta në legjislacion e kanë kthyer planifikimin tatimor në një proces me profil të lartë dhe rëndësi të veçantë për çdo organizatë.
Në këtë kontekst, Haxhi Audit i kushton një vëmendje të veçantë ndërtimit të një kapaciteti të fortë dhe të besueshëm për të ofruar këshillim të specializuar dhe të personalizuar në fushën e tatim-taksave, duke synuar që klientët tanë të marrin vendime të informuara, të ligjshme dhe të optimizuara nga pikëpamja fiskale. Ne kuptojmë që partnerët tanë të biznesit kanë nevojë për një konsulencë profesionale të cilës mund t’i besojnë — një ekip që jo vetëm zotëron njohuri të thelluara në legjislacionin tatimor kombëtar, por edhe aftësinë për t’ua shpjeguar dhe përshtatur ato dispozita në praktikën e përditshme të biznesit.
Në funksion të kësaj, ne kemi përforcuar ndjeshëm strukturat tona të brendshme të rishikimit dhe cilësisë së shërbimeve, duke investuar vazhdimisht në trajnimet e specializuara të stafit dhe në ndërtimin e një kulture profesionale të bazuar në përmirësim të vazhdueshëm, integritet dhe përkushtim. Programet tona të zhvillimit profesional janë të dizajnuara për të thelluar ekspertizën në fushën tatimore dhe për të garantuar që çdo anëtar i ekipit të jetë i pajisur me aftësitë e duhura për të ofruar zgjidhje të avancuara për klientët tanë.
Përmes një qasjeje proaktive dhe bashkëpunuese, Haxhi Audit mbetet një partner i besuar për të gjitha çështjet tatimore, duke kontribuar në ruajtjen e përputhshmërisë ligjore të klientëve, minimizimin e rreziqeve tatimore dhe optimizimin e pozicionit të tyre financiar në një mjedis biznesi gjithnjë e më sfidues.
Taksat në praktikë
Në Haxhi Audit, ofrimi i shërbimeve në fushën e taksave shkon përtej thjesht interpretimit të ligjeve tatimore.
Ne ndërtojmë zgjidhje të personalizuara që kombinojnë ekspertizën teknike të thelluar me analizën strategjike, duke ndihmuar klientët tanë të lundrojnë me siguri në një mjedis tatimor gjithnjë e më kompleks dhe dinamik. Qasja jonë synon jo vetëm përputhjen me rregullat tatimore në fuqi, por edhe identifikimin e mundësive për optimizim fiskal, në përputhje me kuadrin ligjor dhe etik.
Pjesë integrale e kësaj filozofie është edhe menaxhimi i riskut, që konsiderohet një element thelbësor për të mbrojtur interesat e klientëve dhe për të ruajtur integritetin e shërbimeve tona. Çdo këshillim tatimor që ofrojmë kalon nëpër filtra të kujdesshëm vlerësimi, për të garantuar jo vetëm saktësinë teknike, por edhe ndikimin afatgjatë që mund të ketë në pozicionin ligjor dhe financiar të klientit.
Ne besojmë fuqishëm se një shërbim i mirëfilltë tatimor kërkon që specialistët tanë të qëndrojnë të informuar dhe të përditësuar me ndryshimet ligjore, praktikat më të fundit në treg dhe tendencat ndërkombëtare në politikën fiskale. Për këtë arsye, ne kemi investuar në ndërtimin e një kulture të mësimit të përhershëm, ku punonjësit zhvillojnë vazhdimisht aftësitë teknike dhe analitike, duke u pozicionuar si këshilltarë të besuar për bi